பிரியாவிடை

புயல் போல் நுழைந்தாய்
மேகம் போல் மறைந்தாய்
தூணைப் போல் நின்றாய்
எங்கள் வாழ்க்கையை மாற்றினாய்

பாடம் கற்பித்தாய்
தன்னம்பிக்கை வளர்த்தாய்
ஊக்கம் அளித்தாய்
நிம்மதி கொடுத்தாய்

நன்றே சிந்தித்தாய்
பகைவனுக்கும் தோள் கொடுத்தாய்
நண்பர்களுக்கு வாழ்வு அளித்தாய்
அனைவரையும் மகிழ்வித்தாய்

ஒளிந்திருக்கும் கலையை எழுப்பினாய்
‘நீயும் கலைஞன்’ என்று கூறினாய்
முன்னேற்றம் கண்டு போற்றினாய்
என் மகிழ்ச்சியில் கலந்து கொண்டாய்

வேலையில் அனைவருக்கும் முக்கியத்துவம் கொடுத்தாய்
நான் தான் முதலாளி என்று நம்ப வைத்தாய்
என்னால் முடியும் என்று புரிய வைத்தாய்
என் செயலை கண்டு பாராட்டினாய்

விலகி செல்ல ஆசைப்பட்டாய்
உறவை துண்டித்தாய்
கண்ணீரில் குளிக்க வைத்தாய்
சோகத்தில் நனைய வைத்தாய்

இந்த ஊரின் மேல் உள்ள கோபமா?
உன் தொழில் மேல் உள்ள தாகமா?
உள்ளுக்குள் ஒரு போராட்டமா?
உன் முடிவில் வர இருப்பது மாற்றமா?